A youl ar Gwent

Pa seller ouzh oberenn Roparz Hemon evel un hollad, e weler e tizh, en tu-hont d'al lennegezh marteze, ur vent na gaver nemet gant ar skrivagnerion vrasan : e-ser krouin furmou lennegel, ha drezo, e sav an aozour ur preder. Ket ur preder a-ziagent pe un damkaniezh a ve kefridi an oberennou diskouez, dedalvezout pe brouin. Dre ar c'hrouin lennegel ez eo amparet kammed-ha-kammed, eus un oberenn d'eben, ur preder bev. Roparz Hemon ne zegas respont ebet : ar skrivan zo gantan un imbourc'h, skrivan a ra evit anavezout, evit dizolein.